Mesfushori francez, Steven N’Zonzi, është i vendosur të largohet nga Sevilla dhe e vetmja mënyrë për “exit” duket një lëvizje në merkaton e dimrit. Nga Anglia, sipas “Daily Mail”, mësohet se Arsenali është i gatshëm të arrijë një marrëveshje me klubin spanjoll dhe të paguajë klauzolën e përfundimit të kontratës, e cila është 40 milionë euro, edhe pse pesë prej tyre do të jenë për vetë lojtarin.
“Gunners” do t’i paguajnë Sevillas 37 milionë euro, plus 3 të tjera në formë variablash. Sipas këtij informacioni, marrëveshja me N’Zonzi nuk duket të ketë shumë pengesa, për shkak se fëmija e tij është në Angli dhe futbollisti dëshiron të jetë më afër tij, plus që e njeh Premier League pas disa vitesh aktivizim te Blackburn dhe Stoke City.
