Deputeti i Bundestagut gjerman, Tobias Gottardt është takuar sot me anëtarët e Komisionit të Jashtëm në kuadër të forcimit të marrëdhënieve shqiptaro-gjermane. Në një prononcim për mediat, deputeti gjerman tha se: “Shqipëria ka bërë hapa përpara me Reformën në Drejtësi. Ata që duan demokracinë janë pro dialogut”, tha ai.
Duke folur për situatën aktuale në Shqipëri dhe vendimin e opozitës për të djegur mandateve, Gottardt tha se: “Pavarësisht vendit nga i cili vijmë dhe mesazhi është i qartë, fakti që të gjitha vështirësitë që dalin duhet t’i qasemi dhe t’i përballemi të gjithë bashke”, tha ai.
Ndërkohë që gjatë kësaj konference kryetarja e Komisionit të Jashtëm, Mimi Kodheli ka shprehur keqardhje për vendimin e opozitës për djegien e mandateve.
Sipas tij opozita ka vënë jetën parlamentare në ngërç, por ajo tha se maxhoranca do të jetë gjithmonë e gatshme për dialog.
“Ne e garantuam kolegun gjerman për vazhdimësinë e reformës në Drejtësi. Do t’i rrimë fortë idesë se jemi duke bërë reformat e duhura. Rezultatet kanë ardhur dhe pritet akoma të vijnë. Më vjen shumë keq që kolegët opozitarë nuk kanë mundur të jenë në një takim si ky. Më vjen keq që vendimi ekstrem e vë në ngërç jetën tonë parlamentare. Jemi këtu të gatshëm t’ia zgjasim dorë opozitës për ti dhënë po dialogut”, tha Kodheli.
