SHBA festojnë sot 244 vjetorin e Pavarësisë, mes pandemisë dhe vrullit të lëvizjeve antiraciste për të rishkruar historinë, përmes heqjes së simboleve pro skllavërisë
Ndryshe nga çdo herë tjetër, këtë përvjetor autoritetet i kanë bërë thirrje njerëzve të mos dalin në festime dhe tubime të tjera nga frika e përhapjes edhe më shumë të pandemisë prej Covid 19, e cila deri tani ka shkaktuar vdekjen e 130 njerëzve për një total të prekurish prej 2.8 milionë.
Shumë shtete kanë shpallur deri edhe Gjendjen e Jashtëzakonshme, teksa dhe kanë rikthyer shumë prej masave të bllokimit dhe izolimit.
Veç pandemisë, protestat antiraciste antiraciste që kanë pështjelluar edhe më shumë situatën, u përshkallëzuan pas vrasjes së afrikano amerikanit George Floyd nga një agjent policie më 25 maj të këtij viti.
Gjethet e pemës gjenealogjike të historisë amerikane, dhe jo vetëm nisën të bien. Aktivistët e lëvizjes Black Lives Matter kanë sulmuar, vandalizuar deri dhe shkulur nga rrënjët dhe hedhur në lumë statuja të ish epokës së kolonializmit dhe skllavërisë si në Mineapolis apo dhe Karolina e Jugut dhe Virxhinia
Shumë afrikano-amerikanë dhe një numër në rritje nga grupe të tjera racore besojnë se simbolet e Konfederatës kanë konotacione raciste ndërsa shumë të bardhë, veçanërisht në shtetet jugore, pohojnë se ato janë pjesë e trashëgimisë.
Lufta për drejtësi racore vazhdon ndërsa Amerika feston sot Ditën e Pavarësisë, megjithëse në një pjesë të Deklaratës së Pavarësisë së SHBA, shkruar nga Presidenti Jefferson më 1776, shkruhet, “Të gjithë njerëzit janë krijuar të barabartë”.
