Impianti modern “Arena Kombëtare” është drejt fundit. Lajmi është konfirmuar edhe nga kryeministri Edi Rama, i cili nëpërmjet një postimi në “Instagram”, njofton se edhe pak muaj na ndajnë nga inaugurimi i stadiumit.
“Arena Kombëtare drejt përfundimi edhe për pak muaj”, shkruan Rama në “Instagram”, teksa e ka ndarë me ndjekësit edhe tij, një foto nga stolat e kuq në tribunën qendrore që kanë filluar të vendosen.
Kujtojmë që “Arena Kombëtare” është stadiumi i tretë që i plotëson të gjitha kushtet e kërkuara nga UEFA për zhvillimin e ndeshjeve ndërkombëtare, pas “Elbasan Arenës” dhe “Loro Boriçit”.
