Milan-i nuk ka gjetur akordin me Boca Juniors për Gustavo Gomez, ndërsa pretendon afërsisht 9 milionë euro për kartonin e lojtarit. Mbetet ende aktive pista e Palmeiras.
Gjatë mbrëmjes së djeshme Milan-i dhe Boca Juniors kanë tentuar një përpjekje të fundit të dëshpëruar për Gustavo Gomez, por pa sukses. Për momentin mbrojtësi i Paraguajit do të qëndrojë në Milanello, edhe pse mbetet e hapur rruga për te Palmeiras. Merkatoja në Argjentinë dhe Brazil ende nuk është mbyllur.
Por le të kthehemi disa orë përpara. Milan-i i kishte kërkuar Boca Juniors pak më shumë se 8 milionë euro për 100% të kartonit të Gustavo Gomez-it, por klubi argjentinas nuk ka mundur të ofrojë më shumë se 6.5 milionë. Trajneri Guillermo Barros Schelotto donte me çdo kusht ish-nxënësin e tij në kohën kur drejtonte Lanus për repartin e mbrojtjes, por nuk ka mundur të bëjë asgjë dhe për momentin negociata duket e pashpresë.
Palmeiras vijon interesimin për lojtarin, por duhet parë nëse klubi brazilian do të përmbushë pritshmëritë e Milan-it.
Vetë mbrojësi 24-vjeçar e ka shprehur shumë qartë dëshirën për t’u larguar.
Drejtuesit kuqezinj nuk kanë hedhur asnjë hap për të kënaqur kërkesat e Gustavo Gomez-it i cili është jashtë projektit teknik të Gattuso-s.
