Sezon pas sezoni, edhe në Shqipëri duket se lëvizjet nga një televizion në tjetrin e nga një media në një tjetër media janë bërë “të zhurmshme” si merkatot e futbollit.
Prej muajsh u fol se spektakli i mirënjohur “Portokalli” do të lëvizte në një televizion informativ. Këto zera ranë me reagimet e disa prej artistëve por edhe pse flitet se një pjesë e trupes do të lëvizë, ende nuk ka asgjë zyrtare. Emri më i përfolur për largim është vetë regjizori Altin Basha.
Ajo që dihet është se do të vijojë në “Top Chanel”, pavarësisht largimeve që mund të ketë.
Nga ana tjetër, kur Baton Haxhiu lajmeroi ikjen nga “Klan Kosova” të shumta ishin reagimet se gazetari do të zhvendosej në Tiranë për te vijuar këtu projektin e ri.
E mesa duket kështu ndodhi, pas burimet e sigurta bëjnë me dije se Baton Haxhiu do të sjelli një emision me tematikë politike në “ABC news” çdo të enjte, duke rivalizuar kështu edhe drejtuesit e emisioneve që dikur e ftonin dhe atë vetë.
Nuk dihen ende detaje të tjera mbi datën e fillimit të emisionit, por pritet që audienca e së enjtes të ketë tashmë “konkurentë” të rinj.
Por ky sezon nuk ka vetëm prurje por edhe largime.
Gazetarja e njohur, Juli Xhokaxhi, një prej figurave kryesore të ekranit të AbcNews është larguar nga televizioni krejt papritur.
Lajmin e ka bërë me dije vetë gazetarja përmes një postimi në rrjete sociale, ku shkruan se emisioni “Byro Politike” që ishte nën drejtimin e saj nuk do të transmetohet më.
Ndërkaq ajo shton se nuk di të japë një arsye se përse nuk do të transmetohet pasi as asaj nuk ia kanë dhënë një të tillë, duke nënkuptuar se largimi i saj ka qenë i papritur dhe jo i mirë.
“Ah se harrova. “Byro Politike” nuk ka më. Një hall me pak. Arsyet nuk i di…se nuk mi tha njeri”, shkruan Xhokaxhi.
Edhe moderatorja, Anila Çela që prej vitesh është pjesë e “Vizion+” ka njoftuar largimin duke u bërë pjesë e “News 24” ku pritet të sjelli projekt të ri me format ndryshe.
AlpeNews.al
