Fustani i Meghan Markle-it në drekën mbretërore përpara Krishtlindjeve u kthye menjëherë në sensacion.
Bashkëshortja e ardhshme e princit Harry nuk la vend për kritika, si me sjelljen, ashtu edhe me veshjen që zgjodhi për drekën e përvitshme në pallatin Buckingham.
Edhe pse nga fotot duket vetëm pjesa e bustit, siç pritej, njerëzit përdorën çdo burim të Google për të gjetur se ç’fustan ishte. Brenda natës, fustani i markës Self- Portrait që kushton rreth 375 dollarë, u shit plotësisht. Nëse ndokush do ta ketë patjetër, i duhet të shënojë emrin në listën e pritjes.
Siç tregojnë burime për “Dailymail”, Meghan Markle u tregua shumë e qeshur dhe e komunikueshme me të pranishmit në drekë, duke sjellë shumë energji në atë që mund të kishte qenë një vakt i mërzitshëm protokollar.
Ky ishte eventi i parë ku u ftua Meghan, që pas fejesës më 27 nëntor. Ajo mbante unazën me 3 gurë të çmuar që i dhuroi Harry.
Ndryshe nga Kate pasi sapo ishte fejuar me William-in, Meghan është gjithashtu e ftuar të festojë Krishtlindjet me familjen mbretërore, në shtëpinë e mbretëreshës në Sandringham, më 25 dhjetor.
Markle po diskutohet shumë se po thyen tabutë e pallatit të Kensington-it, duke qenë e divorcuar më parë si edhe një personazh publik i sferës së artit; ajo është e njohur për rolin në serialin “Suits”. Nga ana tjetër, ajo shikohet si një urë lidhëse mes familjes mbretërore dhe luftës kundër racizmit, duke qenë vetë vajza e një gruaje me ngjyrë por mbi të gjitha, si përfaqësuese e kauzës për të drejta të barabarta.
