Richard Grenell ka trazuar sërish ujëërat . I dërguari i posaçëm i Donald Trump , deklaroi një ditë më parë , se teza e Shkëmbimit të kufijëve mes Kosovës e Serbisë ka qenë e ish – këshilltarit të Trump , John Bolton .
Ky i fundit njihej si një kundërshtar i ashpër i pavarësisë së Kosovës . Nuk dihet sa të vërteta në deklaratën e Grenell për t’ia lënë përgjegjësinë Boltonit , që tashmë është shpallur armik nga Trump për shkak të librit që ka botuar për këtë të fundit , por në Shqipëri kanë nisur interpretimet e përhershme .
Mediat pranë Berishës e Metës tani kanë sjellë një deklaratë të Edi Ramës në Kuvend , që thoshte para nja dy vitesh se do largohej , pasi kishte për të bërë një telefonatë pikërisht me John Bolton . Dhe kanë bërë përfundimin , se Edi Rama paska përgatitur ndarjen e Kosovës , me Bolton .
Është për të qeshur , se deri më sot Ramën e akuzonin se i kishte bërë këto plane me Grenellin , Thaçin e Vuçiç . Tani besojnë deklaratat e Grenell , njeriu më i sulmuar nga ta , se plani për shkëmbim territoresh është përgatitur nga Bolton dhe lidhja u bë , që pas këtij plani qendron edhe Edi Rama , meqë paska pas bërë një telefonatë me Bolton .
