“Kujdes”, paralajmërojnë sot mediat greke, qytetarët që po japin ndihma në para për viktimat e tragjedisë në Mati.
Mashtruesit në Greqi duke përfituar nga situata kritike kanë nisur të hapin llogari bankare për të mbledhur ndihma gjoja për viktimat e zjarrit dhe të sigurojnë kështu, donacione të majme nga brenda dhe jashtë vendit.
Zëdhënësi i qeverisë, Dimitris Tzanakopolous, ka bërë një njoftim të veçantë të Ministrisë së Financave, caktimin e një llogarie bankare zyrtare për të gjithë ata individë dhe subjekte, brenda dhe jashtë vendit, që do të solidarizohet me viktimat e tragjedisë.
Kryqi i Kuq i Greqisë po ashtu, ka hapur një llogari bankare për ata që do të duan të kontribuojnë për njerëzit e prekur nga fatkeqësia.
