Ushtarët amerikanë kanë filluar tërheqjen nga Iraku, pas mposhtjes së Shtetit Islamik, ka konfirmuar për agjencitë e lajmeve një zëdhënës i Qeverisë së Irakut.
Lufta kundër Shtetit Islamik ka përfunduar dhe për këtë arsye do të zvogëlohet edhe niveli i pranisë amerikane, tha për mediat zëdhënësi.
Ai nënvizoi më tej se tërheqja e ushtrisë amerikane ende është në fazën fillestare dhe se për momentin kjo nuk nënkupton se ushtria amerikane do të tërhiqet në tërësi.
Ushtarët, pajisjet dhe armët kanë filluar të largohen nga Iraku me anë të fluturimeve, të cilat kanë filluar javën e kaluar.
