Për gjashtë vjet, Shqipëria ka qenë shtëpia e një prej grupeve kryesore të opozitës Iraniane, Muxhahedinë-e-Khalq, ose MEK. Por qindra anëtarë të saj janë larguar, duke mos duruar rregullat e ngurta të organizatës.
Sipas BBC, dhjetra prej tyre ndodhen ende në kryeqytetin shqiptar në pamundësi për t’u rikthyer në Iran për të vazhduar jetën e tyre.
Gholam Mirzai, 60 vjeç, i larguar nga kampi i MEK, thotë se është i zhgënjyer me dy vitet që kaloi brenda kampit në Tiranë.
Sipas BBC, ai tani ndidhet në Shqipëri dhe është i akuzuar nga shokët e tij muxhahedinë si spiunon i Republikës Islamike të Iranit.
Sipas Mirzai, për MEK, Shqipëria ishte një mjedis plotësisht i ri. Ai thotë se ishte i habitur që edhe fëmijët kishin telefona celularë. Në Iran, thotë ai, çdo aspekt i jetës është i kontrolluar nga regjimi.
Gholam Mirzai thotë se “Marrëdhëniet romantike dhe ato seksuale brenda kampit janë të ndaluara nga MEK, ndërsa për marrëdhëniet seksuale as që bëhej fjalë.
“Në një fletore ne duhet të shkruanim deri dhe ëndërrat tona. Për shembull, kur pashë një fëmijë në televizion, kisha një ndjenjë që dëshiroja të kisha një fëmijë, dhe këtë e shkruajta në fletore”, – thotë Mirzai
Gholam Mirzai ka vizituar disa herë ambasadën iraniane në Tiranë për të kërkuar ndihmë dhe për tu ribashkuar me familjen e tij por askush nuk e ka dëgjuar. Kështu ai endet nëpër Tiranë, pa shtetësi, pa pasaportë dhe ëndërron për një shtëpi.
