Partia Demokratike mbajti dje Kuvendin Kombëtar, në të cilin morën pjesë mbi 5700 delegatë, të cilët zgjodhën edhe 300 anëtarët e rinj të Këshillit Kombëtar.
Por gjatë fjalimeve që u mbajtën në Kuvendin Kombëtar, pati edhe shumë anëtarë të PD që dolën kundër rrymës së partisë, duke kërkuar hapjen e PD-së, por edhe duke dalë kundër ndryshimeve në statut. Të tillë ishin Mark Marku dhe Fatbardh Kadilli, me këtë të fundit që ka kohë që ka dalë kundër Lulzim Bashës.
Kundër kryetarit Basha kanë dalë më herët edhe Edith Harxhi dhe Arben Ristani, me këta të fundit që u “shpërblyen” ditën e djeshme duke mos u zgjedhur në Këshillin Kombëtar. Reagime të shumta ka patur edhe kundër Markut, pasi këtij të fundit i ka kthyer vetë përgjigje drejtoresha e komunikimit të Bashës.
Por në vitin 2016 ishte Majlinda Bregu që në foltoren e Parlamentit i bënte thirrje deputetëve demokratë që të bahskëpunonin me qeverinë për hapjen e negociatave. Mes të tjerash, ajo shprehej se ndonjë fanatik intrigash do e quante qëndrimin e saj si shkelje e parimeve të demokratit të denjë. Sipas saj, këta persona dyuhet të bënin durim, pasi të vërtetat e mëdha nisnin si blasfemi, por më pas të gjithë u bashkohen.
Këtë pjesë të fjalimit ish-deputetja e ka risjellë sërish në vëmendjen e qytetarëve, si për të treguar se cilido që del kundër qëndrimeve të PD-së, do të sulmohet nga anëtarët e saj, pavarësisht se ka të drejtë ose jo, siç ndodhi me shumë ish-deputët demokratë.
“Nëse ndonjë fanatik intrigash dhe hargalisës fjalësh, e quan qëndrimin tim të pandryshuar për ecjen para të këtij procesi si shkelje të parimeve të demokratit të denjë apo partikut ushtar, një blasfemi, nuk kam se çfarë t’i them se përveçse durim, të gjitha të vërtetat e mëdha nisin si blasfemi, por pastaj rrugës iu bashkohen të gjithë”, ka thënë askohe Bregu.
