Ditën e sotme është zhvilluar edicioni i tretë i “Panarit të Kafshëve Shtëpiake”, një organizim i “Green Line Albania” në bashkëpunim me Bashkinë e Tiranës.
Zoo Park u mbush plot nga dhjetëra qytetarë, të cilët së bashku me qenin e tyre u bënë pjesë e aktiviteteve të organizuara, ku kryesori ishte konkurrimi i kafshëve dhe përzgjedhja e fituesit nga një juri profesioniste.
Po Panairi ishe kompleks duke pasur stenda të veçanta ku shiteshin librat për kafshët si dhe po ashtu barna mjekësore.
Të pyetur nga AlpeNews.al disa nga pjesëmarrësit në paanir shprehen se organizimi ishte shumë i mirë dhe e shikojnë këtë si një mundësi për të shëtitur qenin e tyre, po jo vetëm.
E pyetur për përshtypjet nga “Panairi i Kafshëve Shtëpiake” Sara shprehet: “Kam qenë para 2 vitesh, që ka qenë edhe eksperienca ime e parë në një panair kafshësh dhe mund të them se sot shikoj një pjesëmarrje shumë më të lartë.
Atëherë kisha një 1 qen, ndërsa tani siç e shikoni kam më shumë.
Erdha në Panair, pasi mendoj që edhe qenit i bën shumë mirë një atmosferë e tillë. Deri tani jam e kënaqur me organizimin”.
Ndëkohë Jonida një pjesëmarrëse tjetër shprehet: Më pëlqeu shumë organizimi dhe ajo që mund të shtoj është se ka më shumë qen se herët e kaluara.
Redoni, një tjetër pjesëmarrës pohon se nuk ka ardhur për ta bërë qenin pjesë të konkursit duke parakaluar para jurisë, por se arsyeja kryesore ishte se donte të shëtiste qenin.
AlpeNews.al ju sjell disa nga momentete e parakalimit të qenëve para jurisë.
Përgatiti: AlpeNews.al
