ME SHPEJTËSI NË RRUGËN E ARBRIT/ Automjeti i policisë vë në rrezik qytetarët, e pëson efektivi që parakaloi në tunel

Një ngjarje e rëndë ka ndodhur në Rrugën e Kombit, ku në një video të shpërndarë në rrjetet sociale, shihet se si një automjet policie kryen parakalim në tunel në Rrugën e Arbrit.

Policia, në një njoftim zyrtar mbi rastin, bën me diej se ndaj efektivit është marrë masë administrative duke e gjobitur me 40.000 lekë të rinj dhe duke i zbritur 15  pikë nga Leja e Drejtimit.

Njoftimi: 

Ndërkohë, Drejtoria e Standardeve Profesionale ka nisur hetimin disiplinor, për shkelje të rëndë;  “Kryerja e veprimeve që cenojnë rëndë figurën e punonjësit të policisë, institucionin apo shërbimin policor në tërësi” dhe “Keqpërdorimi i atributeve/ kompetencave të policisë”.

Reagim i Drejtorisë Vendore të Policisë Dibër

Në lidhje me një tjetër video të postuar ditën e djeshme në rrjetin social “JOQ Albania”, ku shfaqet një automjet policie duke kryer parakalim brenda në një nga tunelet e rrugës së Arbrit, pas verifikimit të kamerave është bërë i mundur identifikimi i targës së automjetit të Policisë që i përket Komisariatit të Policisë Bulqizë, me drejtues punonjësin e Policisë, Inspektor D.D

Për shkeljen e kryer, Policia Rrugore e Dibrës i ka vendosur masën administrative me vlerë 40.000 lekë të rinj dhe drejtuesit të automjetit i janë zbritur 15 pikë nga Leja e Drejtimit.

Ndërkohë, Drejtoria e Standardeve Profesionale nisur nga shkelja e kryer e cila ka impakt negativ te qytetarët dhe shkelja e rregullave të qarkullimit rrugor rrezikon jetën e përdoruesve të rrugës, në zbatim të Nenit 121, Ligjit 82/2024 “Për Policinë e Shtetit”, ndaj drejtuesit të automjetit inspektor D.D dhe Shefit të Komisariatit të Policisë Bulqizë Kryekomisar E.P, ka nisur hetimin disiplinor, për shkelje të rëndë; “Kryerja e veprimeve që cenojnë rëndë figurën e punonjësit të policisë, institucionin apo shërbimin policor në tërësi” dhe “Keqpërdorimi i atributeve/ kompetencave të policisë”,

Policia e Shtetit falënderon mediat dhe qytetarët për bashkëpunimin dhe i fton ata të denoncojnë çdo rast të abuzimit me detyrën nga ana e punonjësve të Policisë dhe çdo paligjshmëri tjetër duke ju garantuar reagim të shpejtë e profesional.