Pogradeci është tronditur pasditen e sotme, pasi rreth orës 18:10 në fshatin Buçimas, 44-vjeçari Olsi Çekiçi ka goditur me thikë nënën e tij 70 vjeçe, Firdes Çekiçi, e cila si pasojë e plagëve të shumta në trup, ka ndërruar jetë.
Autori i vrasjes ka goditur me thikë edhe vëllain e tij, i cili mori plagë në kokë, teksa për momentin ndodhet në spital, nën kujdesin e mjekëve.
Policia mbërriti në vendngjarje dhe bëri të mundur arrestimin e 44-vjeçarit Çekiçi, i cili njihet si një person problematik në zonë. Skena e parë nga autoritetet që kanë mbërritur në familjen Çekiçi përshkruhet si makabre.
Përveç se është me probleme mendore, Olsi është edhe konsumues i lëndëve narkotike. Pritet informacion zyrtar nga autoritetet.
