Gjirokastra aktualisht është zona më e prekur, aty ku situata është tepër serioze nga zjarret. Në fshatrat Lunxhëri dhe Asim Zenel (ku humbi jetën qytetari Andrea Haxhiaj) ka prezencë të shtuar të forcave të policisë.
Dhjetëra efektivë po bëjnë të pamundurën për shuarjen e zjarreve me ç’të kenë në dorë. Kova uji, lopata, degë peme, në mënyrë që të mund të fikin flakët e mëdha që po rrezikojnë banesat.
Janë duke u përdorur mjete rrethanore nga policët e komisariatit dhe Drejtorisë së Policisë së Gjirokastrës, ndërsa në terren janë dhe qytetarët që po japin ndihmën e tyre.
