• Breaking News
  • Politikë
  • OP-ED
  • Aktualitet
  • Ekonomi
  • Kulturë
  • Gossip
  • Sport
  • Jetë
AlpeNews
  • 16 May, 2022
AlpeNews

Tirana, Albania

16 May, 2022
  • Breaking News
  • Politikë
  • OP-ED
  • Aktualitet
  • Ekonomi
  • Kulturë
  • Gossip
  • Sport
  • Jetë
  • Follow
    • Facebook
    • Twitter
    • Youtube
    • Instagram
  • Arkitekture
  • Art
  • Kinematografi
  • Muzikë
  • Trashegimi
ME KITARE NË DORË/ Së shpejti një shtatore për ikonën e muzikës shqiptare në Lushnje
Home
Kulturë
Muzikë

ME KITARE NË DORË/ Së shpejti një shtatore për ikonën e muzikës shqiptare në Lushnje

11 August, 2019 bora.autor Kulturë, Muzikë

Një shtatore e artistes së madhe Vaçe Zela, e punuar nga skulptori i njohur Muntaz Dhrami do të vendoset së shpejti në Lushnje. Memoriali i ikonës së muzikës shqiptare do të vendoset në “Sheshin e Qytetarëve” në qytetin e Lushnjës, bën të ditur Bashkia e këtij qyteti, duke theksuar se “në këtë memorial që është një vlerë e shtuar për qytetin e Lushnjës, Vaçe Zela është menduar bashkë me kitarën që të duket se do të këndojë këngët që nuk harrohen kurrë”. Projekti është miratuar nga Këshilli Bashkiak një vit më parë më kërkesë të Kryetarit të Bashkisë, Fatos Tushe.

Vaçe Zela lindi në vitin 1939 në buzë të kënetës së Tërbufit në Lushnjë. Që e vogël u dallua për karakterin e saj artistik. Fillimisht u vu re dëshira e saj e madhe për të kënduar dhe për të kërcyer. Prandaj, më vonë vijoi mësimet në Liceun Artistik “Jordan Misja”, për të qenë në grupin e artistëve të rinj që do të përfaqësonin Shqipërinë në Festivalin Ndërkombëtar të Rinisë në Moskë, në vitin 1956, kur ishte vetëm 17 vjeçe. Ky ishte ballafaqimi i saj i parë me skenën ndërkombëtare. Kështu, dalëngadalë, që nga ajo ditë filloi të bëhej e njohur edhe brenda vendit. Pjesëmarrja e saj në estradën e qytetit dhe në shfaqjet nëpër mbarë Shqipërinë ishin një ogur i mirë për rrugën që kishte nisur. Në vitin 1961 filloi të ishte pjesë e Estradës së Ushtarit.

Vaçe Zela që në vitin 1962 ishte e para që fitoi Festivalin e Këngës. Me këngën “Fëmija i parë” ajo dëshmoi se një idhull i muzikës po lindte atë mbrëmje të 26 dhjetorit të vitit 1962. Repertori i saj është shumë i pasur numërohen me dhjetëra këngë popullore, të lehta, kantata, balada, etj. Zëri dhe repertori i pasur që la trashëgimi vijojnë të mbeten gurë shndritës në gjerdanin e traditës shqiptare të këngës.

Nga këtu nisi edhe karrierën artistike në kryeqytet. Mori pjesë në festivalin e parë të këngës së lehtë në radio në vitin 1962, për të interpretuar deri në vitin 1981 në Radio- Televizion, ku u shpall dhe fituese e çmimit të parë. Studioi për art dramatik, por iu kushtua këngës së lehtë dhe këngës së përpunuar popullore. Ka marrë pjesë në 26 festivale kombëtare ku ka fituar 10 herë Çmimin e Parë.

Vaçe Zela ka dhënë një kontribut të rëndësishëm edhe në muzikën e filmit. Zërin e saj e dëgjojmë tek filmi “Në shtëpinë tonë”. Në vitin 2008, me rastin e 69-vjetorit të lindjes, Presidenti i Republikës, Bamir Topi, i akordoi titullin “Nderi i Kombit” me motivacionin: “Për vlerat e rralla si artiste e shquar, me popullaritet të jashtëzakonshëm, për interpretimin mjeshtëror të këngës së muzikës së lehtë dhe asaj popullore, për pasurinë e vyer që krijoi në shkollën shqiptare të interpretimit muzikor”.  Gjithashtu ajo mbante edhe titullin “Artiste e Popullit”.

Numërohen rreth 55 këngë që prej fillimit të karrierës në vitet ’60 e deri në festivalin e fundit në RTSH. Disa nga këngët që do të mbeten në kujtesën e publikut janë: “Fëmija i parë”, kompozim i Agim Krajkës, të cilën Vaçja e ka kënduar në vitin 1962 në Festivalin e Parë të Këngës, “E dua vendin tim”, “Djaloshi dhe shiu”, “Dritaren kërkoj”, “Lumi Ebro”, “Për ty o këngë”, “Manushaqja”, “Esperanca” këngë kubane kënduar po në vitin 1962 në shoqërinë e kompleksit ritmik, këngë nga filmi “Karmen”, “Një zambak i bardhë në gur” etj. Vaçe Zela ka bashkëpunuar me kompozitorët më në zë të muzikës së lehtë shqiptare, si: Tish Daija, Agim Krajka, Kujtim Laro, Shpëtim Kushta, Avni Mula, Limoz Dizdari, Pjetër Gaci, Aleksandër Peçi, Agim Prodani etj. Përfundimisht u largua nga skena në vitin 1990. Vaçe Zela u lind në Lushnje më 7 prill 1939 dhe vdiq në Bazel, Zvicër, më 6 shkurt 2014. Vaçe Zela ishte një nga këngëtaret ikonë të skenës shqiptare.

Facebook Twitter Google+ LinkedIn Pinterest
Next article "SHPËRTHEJNË DJAJTË E KUQ"/ Shënojnë 2 gola brenda 1 minute kundër Chelsea, ja "perlat" (VIDEO)
Previous article ALTIN KETRO/ Valdrin Pjetri është i dënuar…për Shkodrën!

bora.autor

Postime të ngjashme

NIS FESTIVALI I ARTIT I TË RINJVE/ Kuratori Helidon Haliti zbulon perfomancat artistike Kulturë

NIS FESTIVALI I ARTIT I TË RINJVE/ Kuratori Helidon Haliti zbulon perfomancat artistike

Nis edicioni i katërt i Festivalit Ndërkombëtar të Akuarelit, Veliaj: Ky është imazhi i Shqipërisë moderne Art

Nis edicioni i katërt i Festivalit Ndërkombëtar të Akuarelit, Veliaj: Ky është imazhi i Shqipërisë moderne

URBANI PËRFUNDOI NË LANË/ Propozimi interesant i artistit të njohur: Do ishte ndër instalacionet më të bukur në botë nëse… Kulturë

URBANI PËRFUNDOI NË LANË/ Propozimi interesant i artistit të njohur: Do ishte ndër instalacionet më të bukur në botë nëse…

Facebook Comments

YLLI PATA/ Një vit nga “non grata”: Dimensioni real i ndëshkimit të Berishës Blog

YLLI PATA/ Një vit nga “non grata”: Dimensioni real i ndëshkimit të Berishës

ELISA SPIROPALI/ Evropa, fati ynë, zgjedhje dhe zgjidhje Blog

ELISA SPIROPALI/ Evropa, fati ynë, zgjedhje dhe zgjidhje

PLATOR NESTURI/ Integrimi: Optimizmi i gjatë shndërrohet në lodhje Blog

PLATOR NESTURI/ Integrimi: Optimizmi i gjatë shndërrohet në lodhje

EDUARD ZALOSHNJA/ Cilët janë 650 mijë votuesit gri? Blog

EDUARD ZALOSHNJA/ Cilët janë 650 mijë votuesit gri?

KRESHNIK SPAHIU/ Pse gjithë Europa po largon diplomatët rus, ndërsa në Tiranë firmosin kundër SHBA? Blog

KRESHNIK SPAHIU/ Pse gjithë Europa po largon diplomatët rus, ndërsa në Tiranë firmosin kundër SHBA?

  • Breaking News
  • Politikë
  • OP-ED
  • Aktualitet
  • Ekonomi
  • Kulturë
  • Gossip
  • Sport
  • Jetë
  • Back to top
© AlpeNews 2017. Të Gjitha të Drejtat e Rezervuara
KONTAKT