Kryebashkiaku Erion Veliaj ka reaguar për herë të parë për përgjimet e “Ndraghetas” në Itali. Nga Rrogozhina, Veliaj ironizoi lajmet e publikuara, duke theksuar se “e kanë bërë shok me Eskobarin”
“Shqiptarët janë mësuar me lajmet e rreme, i hanin në vitet 1990, jo tani. Do dalim që kemi qenë shokë me Eskobarin, do dëgjojmë çudira në këtë fushatë”, deklaroi kryebashkiaku.
Në përgjimet e klanit italian përmenden edhe presidenti Meta, një ministër i qeverisë dhe kryebashkiaku i Tiranës. Aty flitet për takime të mundshme që mund të bëhen për ndikim në vendimmarrje dhe marrjen e një leje ndërtimi.
