Gjykata e Tiranës la në burg 31-vjeçarin Fletur Zani, i arrestuar para disa ditësh, pasi akuzohet për shtrëngim me anë të kanosjes për dhënie pasurie.
Sipas burimeve, Zani i ka kërkuar një biznesmeni 10 mijë euro, pasi i kishte premtuar se do t’i gjente një shesh për ndërtimin e një pallati.
Gjatë seancës gjyqësore i pandehuri e ka pranuar akuzën.
I riu ka pretenduar se kërcënimet i ka bërë për të marrë shumën për të cilën kishin rënë dakort, pasi ai e kishte gjetur vendin për ndërtimin e pallatit, por biznesmeni ia ka dhënë një të njohuri të tij për të ndërtuar, duke shmangur kështu pagesën 10 mijë euro.
