Në Berat fëmijët e komunitetit rom dhe egjiptian tashmë do të kenë akses në bibliotekën e re e hapur në Qendrën Ndërkulturore Komunitare. Biblioteka është pasuruar me 850 tituj librash të autorëve shqiptarë dhe të huaj.
Fëmijët e komunitetit rom dhe egjiptian tashmë do të jenë më pranë librave.
Në Qendrën Ndërkulturore Komunitare Berat është çelur Biblioteka e re që do të jetë funksionale për fëmijët e çdo moshe.
Biblioteka e re përmban 850 tituj librash të autorëve shqiptarë dhe të huaj.
“Fëmijët që mund të kenë pak probleme me të lexuarin ne do të jemi këtu për ti asistuar, për t’ua lexuar këto libra.”
Biblioteka do të jetë e hapur çdo ditë dhe stafi do të punojë me edukimin e fëmijëve pasi një pjesë e konsiderueshme e tyre hasin vështirësi në shkrim dhe lexim.
