Gjykata e Krimeve të Rënda ka shtyrë seancën për Klevi Likën, 18-vjeç, i arrestuar për 3.4 mln eurot e gjetura në “Toyota Auris” në Portin e Durrësit. 18-vjeçari kërkon lirinë për të vazhduar shkollën.
Krimet e Rënda nuk arritën të merrnin një vendim këtë të martë për shkak se në seancën munguan prokurorët e çështjes. Seanca rifillon nesër në ora 09:00. Prokuroria kundërshton lirimin me argumentin se po pret përgjigje nga Belgjika, Anglia dhe Italia për hetimin e origjinës së parave prej 3.4 milionë euro të cilat u gjetën në një “Toyota Auris” i mbërritur në Portin e Durrësit nga Belgjika dhe Gjermania.
Klevi Lika është djali mi pronarit të shoqërisë së transportit, Edi Lika, i cili solli nga Gjermania automjetet “Toyota” në një Bizark, në njërën prej të cilave u sekuestruan edhe 3.4 mln eurot origjina e të cilave vijon të mbetet mister.
