Një 24-vjeçar sirian, me shtetësi shqiptare, ka rënë në prangat e Policisë mëngjesin e sotëm në Tiranë, pasi u kap me armë në makinë. Bëhet me dije se në pranga ka rënë Wasim Hajjazi, i cili u ndalua në rrugën “Fuat Toptani”.
Pas kontrolleve në automjetin tip “Benz” që drejtohej nga i riu, Policia gjeti 2 pistoleta, njëra me silenciator, municion luftarak, 2 mjete thika, 1 përforcues grushti dhe një kapele me mbishkrimin ‘Policia’.
Ai rezulton i dënuar më parë për për veprat “Trafikimi i qenieve njerëzore” dhe “Drejtim i mjetit në mënyrë të parregullt”.
Materialet procedurale iu referuan Prokurorisë, për veprime të mëtejshme.
