Paralajmërimi i kryeministrit e më pas konfirmimi i tij, se lojërat e fatit do të mbyllen sollën një nga debatet më të mëdha të kohëve të fundit në Shqipëri.
Siç edhe mund të kuptohet, pronaret e pikave të basteve por jo vetëm, nuk e kanë pritur aspak mirë vendimin e deri diku arsyet janë të logjikshme, edhe pse vendi i tyre i punës është gati.
Përveç tyre, nga qytetarët u prit si një nga ljmet më të mira, duke shpresuar se të afërmit e tyre do shpëtojnë njëherë e mirë nga varësia ndaj lojërave të fatit.
Me një kërkim të thjeshtë, AlpeNews.al, zbulon raste tragjike e të trishta ku të rinj e familjarë kanë vrarë veten pikërisht prej borxheve që këto lojër i kanë sjellë.
Ka dhe nga ata që e kanë ndërmarrë veprimin tragjik vetëm prej një skedine të humbur.
Kryesisht këto, por edhe arsye të tjera janë tregues se përse mbyllja e lojërave të fatit është më shumë se thjeshtë një lajm i mirë.
Rastet tragjike:
Vret veten pas skedinës së humbur në Botëror
Babai i dy femijeve Arens Tabaku nga Cerriku i ka dhëne fund jetes duke u hedhur ne objektin ku punonte. 44 vjeçari ishte roje e godinës së ish uzinës së naftës në Cërrik dhe mësohet se nga aty i ka dhënë fund jetës.
44 vjecari i kishte vënë të gjitha lekët që dispononte lloto por humbja e Belgjikës me Francën ka bërë që ti humbasë kursimet e familjes. I ngarkuar psikologjikisht teksa ka shkuar ne punë ka shfrytëzuar momentin që ka qenë vetëm dhe është hedhur nga objekti.
Gjirokastriti var veten pasi lë të gjitha lekët në lloto
Një 35-vjeçar i dha fund jetës duke u vetëvarur në oborrin e kishës së fshatit të tij.
Florian Resuli po kalonte një situatë të rënduar psikologjike për shkak të vështirësive ekonomike.
Babai i dy fëmijëve të mitur kishte rreth tre muaj që ishte zhvendosur në Tiranë me familjen. Ai punonte si gdhendës guri dhe mermeri dhe me ato të ardhura që fitonte mbante të gjithë familjen.
Mësohet se një ditë përpara ngjarjes që tronditi bashkëfshatarët e tij, ai ishte kthyer në fshatin e lindjes, ndërsa gruan dhe fëmijët i kishte çuar në shtëpinë e prindërve të saj. Miq të afërt të viktimës kanë konfirmuar se 35-vjeçari kishte krijuar varësi nga lojërat e fatit.
Së fundmi, ai ishte orientuar edhe drejt basteve dhe skedinave për ndeshjet e Kampionatit Botëror të futbollit, çka e kishin zhytur atë në borxhe për shkak të humbjeve të skuadrave që konsideroheshin si të sigurta në kalimin në fazën tjetër.
Humbja e një sasie të madhe parash në skedinat e futbollit, që përkeqësuan gjendjen ekonomike të familjes.
Vritet 23 vjeçari pas zënkës për lojën e pokerit
Një 23-vjeçar është vrarë në fshatin Libonik të Korçës. Viktima është Adriatik Bregu.
Ai është qëlluar me armë në një sallë lojërash fati, pas një grindje që ka pasur me të dyshuarin Donald Kreka, 25 vjeç, që akuzohet si vrasësi i tij.
Krimi i rëndë ka ndodhur pas zënkës për një lojë pokeri.
Përgatiti: AlpeNews.al
