Një sasi e madhe droge është sekuestruar ditën e sotme në Greqi, e cila vinte nga Shqipëria. 335 kg marijuanë janë kapur në një furgon, pas një operacioni që u zhvillua në Amfiloxia nga anti-droga e Selanikut në bashkëpunim me policinë e Artës dhe Amfiloxise.
Policia ka ndaluar një mjet tip furgon që vinte nga kufiri greko-shqiptar. Në furgon janë gjetur dhe sekuestruar 14 çanta që përmbanin 128 pako me 334 kg 732 gram marijuanë.
Në pranga ka rënë drejtuesi i mjetit, një 51-vjeçar grek, i cili rezulton pjestar i rëndësishëm, sipas policisë greke, i një grupi kriminal të trafikut të drogës Shqipëri-Greqi.
