Gazment Bardhi ka mbrojtur dhe legjitimuar vrasjen e Elbasanit.
Ai ka thënë se shoqëruesi i tij që vrau Pjerin Xhuvanin, nuk është vrasës, pasi ai thjesht ka mbrojtur votat e PD-së.
“Arbër Paplekaj është pjesë e Strukturës për Mbrojtjen e Votës në Elbasan. Ai nuk është kriminel. As vrasës.
Është ish-efektiv i Policisë së Shtetit dhe ish-shoqërues në Ambasadën amerikane në Tiranë.
Për shkak të punës që kryen në këtë moment disponon armë me leje nga Policia e Shtetit.
Sipas informacioneve tona, si njohës i ligjit, menjëherë pas ngjarjes, është dorëzuar vetë në polici, për të sqaruar rrethanat e plota dhe për t’u vënë në dispozicion të organeve të drejtësisë”, tha ai.
Ajo që ka ndodhur të mërkurën, sipas tij, është përgjegjësi e Taulant Ballës.
“Angazhimi i eksponentëve të krimit të organizuar në zgjedhje dhe nxitja për të kryer krime elektorale është përgjegjësi e tij.
Ai po bën cdo gjë të paligjshme, qe te ruaje privilegjet, qe te ruaje pushtetin e tij personal.
Taulant Balla nën panikun e humbjes po bashkëpunon me bandat e tij, në përpjekje për të organizuar si ne zgjedhjet e kaluara strukturat kriminale te blerjes së votës”, tha Bardhi.
