Pasditen e sotme në orën 18:00 këshilli politik do të mblidhet sërish. Mbledhja do të zhvillohet në Pallatin e Kongreseve, ku deri tani janë paraqitur përfaqësuesit e PD/LSI, Oerd Bylykbashi dhe Petrit Vasili dhe përfaqësuesi i PS, Damian Gjiknuri. Pritet ende të mbërrijë Rudina Hajdari.
Në mbledhjen e sotme, që vjen një ditë pas arritjes së marrëveshjes mes palëve për reformën zgjedhore, në fokus është përshtatja në shqip e marrëveshjes së arritur, teksti i së cilës u firmos nga palët në anglisht si dhe plotësimi i kuadrit të plotë ligjor me ndryshimet ligjore për t’u votuar më pas në Kuvend.
Teksti i marrëveshjes u formula nga ndërkombëtarët në gjuhën angleze që tregon edhe rolin e tyre përcaktues në këto negociata, ku në fund pas dakordësisë palët hodhën firmën.