Panorama Tv ka siguruar dëshminë e mikeshës së Mimoza Pajës, 58-vjeçares, e cila mbrëmjen e djeshme u vra aksidentalisht në ambientet e një lokali, ndërsa 5 persona të tjerë u plagosën.
Sipas mikeshës, Mimoza ishte në vështirësi ekonomike, madje mblidhte edhe kanoçe dhe më pas i shiste.
58-vjeçares kishte tre vite që i kishte vdekur edhe bashkëshorti, ndërsa për të mbajtur familjen ajo punonte dy turne.
“Ishte e varfër, mblidhte kanoçe dhe i shiste. Ka lënë 4 fëmije. Ishte e sëmurë me infeksion. Punonte për copën e bukës. Ishte me qira. Më thoshte që kam 6 muaj pa paguar qiranë. Ka pas punuar edhe në një lokal tjetër në lagje si pastruese. Punonte dy turne tek puna e re”, mësohet të ketë thënë mikesha e Mimoza Pajës.
Nga atentati i mbrëmshëm mbetën të plagosur edhe 5 persona, Sahit Murati, Astrit Meraj, Emanule Sala, Ermir Bejuku, Genc Shohalli.
Dyshohet se objektivi i atentatit ka qenë Sahit Murati, xhaxhai i Fation Muratit, një person me precedent kriminal.
