Ky është një votim historik me përfundim të pasigurt.
Parlamenti britanik mblidhet sot për të vendosur mbi marrëveshjen e Brexit të arritur mes Londrës dhe Brukselit, 12 ditë nga data e parashikuar për daljen nga Bashkimi Europian.
Arritur pas bisedimeve të mundimshme në limitet e kohës, marrëveshja synon të zgjidhë kushtet e divorcit pas 46 viteve jetë të përbashkët duke mundësuar një dalje të qetë dhe të shoqëruar nga një periudhë tranzicioni të paktën deri në fund të vitit 2020.
Por suksesi i saj është pezulluar me miratimin nga Parlamenti britanik, që ka dhënë prova intolerance në të kaluarën. Deputetët kanë hedhur poshtë tre herë marrëveshjen e mëparshme për daljen nga BE arritur mes ish-kryeministres, Theresa May dhe 27 vendeve të tjera anëtare të BE-së
Thirrur për herë të parë të shtunën që prej luftës së Maluinëve, 37 vjet më parë, Dhoma e Komuneve do të hapet në 08:30 GMT, për debate që pritet të zgjasin gjatë gjithë ditës.