Në mbledhjen e zhvilluar sot brenda klubit të Teutës, mes drejtuesve, stafit teknik dhe lojtarëve, pas analizës për këtë periudhë jo të mirë që ka kaluar ekipi, janë marrë edhe disa vendime të rëndësishme për vazhdimësinë e sezonit.
Pas deklaratës se do të jepte dorëheqjen, trajneri Magani është konfirmuar në krye të durrsakëve, nga vetë presidenti Hasanbelliu. Mësohet gjithashtu se ndaj Albi Dostit, është marrë një masë drastike. Ai është përjashtuar nga ekipi.
Ndërsa, Ardit Hila është ndëshkuar me gjobë nga klubi. Paralajmërim ka marrë edhe boshnjaku Anel Dediç, për formën jo të mirë që ka treguar.