Policia e kryeqytetit i ka ardhur në ndihmë dy turistëve çekë, të cilët të cilët kishin humbur rrugën gjatë eksplorimit në malin e Dajtit dhe kishin mbetur të izoluar në terrenin e thepisur të malit.
Pas njoftimit, shërbimet e Komisariatit të Policisë Nr. 4, kanë organizuar një operacion kërkim-shpëtimi, dhe pas disa orësh kërkime intensive, për shkak të terrenit të vështirë dhe të thepisur dhe të largësisë së vendit nga zona që mund të përshkohet me automjete, është bërë lokalizimi i turistëve të huaj.
Shërbimet e Policisë i kanë shkuar në ndihmë turistëve, duke iu dhënë ndihmën e parë mjekësore, si dhe duke i pajisur me ushqime dhe me veshje.
