SPANJE- Ka mbërritur në Spanjë anija me refugjatë që u refuzua nga Italia. Brenda mjetit të lundrimit ishin 629 persona, të cilët janë dërguar në portin e Valencias.
Kujtojmë se refugjatët u shpëtuan pranë Libisë gjatë fundjavës së kaluar, ndërkohë që i vetmi shtet që pranoi t’u ofronte mbështetje dhe përkujdes ishte Spanja.
Kjo pasi Italia dhe Malta refuzuan.
“Është detyra jonë për të ndihmuar në shmangien e një katastrofe humanitare dhe të ofrojmë një port të sigurt për këta njerëz, për të përmbushur detyrimet tona për të drejtat e njeriut”, tha kryeministri Pedro Sánchez më herët.
