Sapo ka mbërritur në aeroportin e Rinasit avioni i parë me shqiptarë të riatdhesuar nga Turqia. Avioni me 47 shqiptarë është nisur këtë mëngjes nga Stambolli dhe ka mbërritur rreth orës 10:00 në Rinas.
Mësohet se jashtë aeroportit presin 2 autobusë, të cilët do transportojnë qytetarët e ardhur nga Turqia drejt Durrësit, ku do të karantinohen në hotele.
Secili prej të ardhurve nga jashtë do të ketë dhomën e tij në hotel, ku do të kontrollohet herë pas here, deri kur të bëjë 14 ditë. Ndërkohë, në aeroport iu është bërë kontrolli i parë të gjithë personave të ardhur nga Turqia.
