Një 52-vjecar është arrestuar në Dimal të Beratit, nën akuzën e armëmbajtjes pa leje.
Gjatë kontrollit fizik në banesën e shtetasit me iniciale K.T., policia ka gjetur dhe sekuestruar një armë zjarri pushkë, pa leje.
Materialet procedurale i kaluan Prokurorisë pranë Gjykatës së Rrethit Gjyqësor Berat, për veprime të mëtejshme.
Njoftimi i policisë:
Finalizohet operacioni policor i koduar “Garden”, për goditjen e një rasti të armëmbajtjes pa leje.
Mbante në banesë, një armë zjarri pushkë, si rezultat i inteligjencës informative arrestohet në flagrancë 52-vjeçari dhe i sekuestrohet arma që e mbante pa leje.
Shërbimet e Stacionit të Policisë Dimal, si rezultat i kontrolleve të organizuara bazuar në inteligjencën informative, për një rast të mbajtjes pa leje të një arme zjarri, kanë organizuar dhe finalizuar operacionin policor të koduar “Garden”.
Si rezultat i këtij operacioni, u arrestua në flagrancë shtetasi K. T., 52 vjeç, banues në lagjen “28 nëntori”, Dimal.
Gjatë kontrollit në banesën e 52-vjeçarit, shërbimet e Policisë gjetën dhe sekuestruan në cilësinë e provës materiale, një armë zjarri pushkë, të cilën ky shtetas e mbante pa leje.
Materialet procedurale i kaluan Prokurorisë pranë Gjykatës së Rrethit Gjyqësor Berat, për veprime të mëtejshme.
