Në Shqipëri mania për të fituar para duke u relaksuar kafeneve apo në shtëpi duket se sa vjen edhe rritet. Kompanitë e basteve ‘fërkojnë’ duart ditët e fundjavave apo në mesjavë kur luhen ndeshjet e Champions dhe Europa League. Por disa persona duket se po tentojnë të përfitojnë duke mashtruar bastexhinjtë në Facebook apo Instagram.
Këta persona shpërndajnë ndeshje me koeficentë të ndryshëm me qëllim përfitimin e pagesës nga personat e interesuar për ti blerë ato. Ata shtiren sikur ndeshjet që ata posedojnë me rezultat të fiksuar, janë të sigurta, dhe për ti përfituar ato duhet të paguash. Pagesat janë të ndryshme, në varësi të koeficentëve të ndeshjeve të shpërndara, por që arrijnë deri në 100 euro.
Fillimisht këta persona hapin një faqe në facebook, dhe mundohen të rrisin audiencen duke shpërndarë ndeshje vazhdimisht. Pas përfundimit të ndeshjeve ata fshijnë ato të cilat nuk kanë dalë sic pritej, dhe në faqe lejojnë të shfaqen ato që ‘çuditërisht’ kanë dalë me sukses. Përsonat të cilët nuk kanë qenë ndjekës të rregullt të faqes kur futen fillimisht përballen me ndeshjet e ‘trukuara’, dhe mashtrohen duke kryer pagesat tek adminat e faqeve zakonisht me karta bankare.
Ky fenonomen sa vjen edhe shtohet, por shumë raste janë denoncuar në polici ku persona të tillë kanë përfunduar pas hekurave për mashtrim.
Përgatiti: AlpeNews.al
