Vrasja e çiftit Teuta dhe Shpëtim Pasho nga Vlora vijon të jetë në qendër të medieve italiane por edhe të publikut shqiptar, teksa zbardhen detaje të reja nga ngjarja tronditëse.
Federico Febbo avokati i Elona Kaleshat, ish e dashura e djalit të çiftit Pasho, e cila është arrestuar ditën djeshme nënë akuzën e vrasjes, fshehjes dhe masakrimit të trupave të dy bashkëshortëve, të cilët u gjetën të copëtuar në 4 valixhe, më 15 dhjetor, ka treguar se 36 vjeçarja sipas tij është tronditur nga arrestimi. Ndërkaq ai ka vendosur ti shmangë deklaratat paraprake, dhe të njëjtën gjë sipas tij bëri dhe Elona që të ms fliste pa u njohur me akuzën.
“Në dijeninë time, siç është praktikë në këto momente, zonja Elona Kalesha nuk e konsideroi të bënte deklarata para magjistratit në komisariatin e policisë ku u mor pas arrestimit sepse ne besojmë se është e përshtatshme që para se të bëjmë deklarata është më e saktë që së pari të lexohet dekreti që parashikon masën”, ka thënë ai.
Avokati Febbo theksoi se nga gjetja e eshtrave Shpëtm dhe Tauta Pashos, Elona ka qenë e gatshme për të dhënë dëshmi ndaj hetuesëve por s’është thirrur.
“Klientja ime shprehu gatishmërinë e saj për t’u dëgjuar nga hetuesit për të dhënë një kontribut, por ajo kurrë nuk u thirr. Ky arrestim ngjall befasi dhe madje klienti im u trondit”, shtoi ai.
Ndwrsa prokurorja Ornella Galeotti ka vendosur një paraburgim për Elona Kalesha, e arrestuar për vrasjen e dyfishtë të bashkëshortëve Pasho dhe fshehjen e kufomave të tyre, “për shkak se ekziston rreziku i arratisjes”.
