Mbrëmja e 4 tetorit të 2018 tronditi kryeqytetin teksa në zonën më të populluar atë t ëish bllokut, krisi arma.
Konflikti ende i pazbardhur me detaje, la pas një viktimë, Fabjol Gaxhën dhe plagosi Ervis Martinaj i cili sot ndodhet në qeli dhe Erjol Hato.
Në foto: Mervjol Bilo, Fabiol Alushi, Eljon Hato, Fabjol Gaxha, Ervis Martinaj, Elvana Gjata, Ervin Mata.
Fillimisht u dyshuar se Ervin Mata që ishte njëkohësisht edhe i fejuari i këngëtares së njohur Elvana Gjata ishte personi që kishte hyrë në konflikt me Ervis Martinaj. Kjo alibi ra shpejt poshtë pas dëshmive të dhëna.
Megjithatë, prej katër muajsh Ervin Mata biznesmen i njohur në Tiranë që pjesën më të madhe të kohës jetonte në Gjermani ka qënë i shpallur në kërkim.
Vetëm mbrëmjen e djeshme ai ka vendosur të vetëdorëzohet në Polici duke deklaruar se nuk ka qëlluar por vetëm është frikësuar ndaj është larguar.
Ndërkohë që hetimet vijojnë dhe detaje të reja priten, i vetmi i akuzuar direkt për vrasjen e Gaxhës, Mervjol Bilo ish komando është në kërkim.
Nuk dihet nëse edhe Bilo do të veprojë njëjtë si Mata. Kujtojmë se edhe Eldi Dizdari, bashkeshorti i ish missit Suada Sherifi dhe kushëri me Arbër Çekaj (613 kg kokainë), është ende në kërkim.
Dizdari gjuthashtu dyshohet si pikë kyçe e hetimit pas konfliktit me Ervin Matën.
Përgatiti: AlpeNews.al
