Adoleshenti që vrau 17 persona në një shkollë të mesme të Floridës është Nikolas Cruz, 19 vjeç, i pezulluar më parë nga kjo shkollë.
Burime nga policia bëjnë të ditur se Cruz Cruz ka shtypur alarmin e zjarrit, me qëllim për të krijuar kaos dhe grumbullim të madh të nxënësve dhe stafit, dhe vrasjen e sa më shumë njerëzve.
Më pas ai ka nisur të qëllojë pa mëshirë një pushkë AR – 15, duke vrarë 17 persona, teksa shumë të tjerë kanë nxituar duke dalë nga shkolla të alarmuar.
Ndërkohë që shumë nxënës janë mbajtur të fshehur nga mësuesit në ambientet e brendshme të shkollës, derisa u nxorrën prej aty nga forcat e policisë. Këto të fundit, mundën në arrestojnë autorin e vrasjes masive, i cili rezulton të jetë një nxenës i përjashtuar nga shkolla.
Ai u arrestua një orë pasi kreu sulmin. 19-vjeçari ishte përjashtuar nga kjo shkollë një vit më parë për “arsye disiplinore”.
Ndërkohë Instagrami i Cruzit është i mbushur me postimet shqetësuese që tregojnë një obsesion për armët, dhunën dhe dëmtimin e kafshëve.
