Mësohen disa fakte të reja lidhur me vrasjen e trefishtë që tronditi sot kryeqytetin. Debati i ashpër që ka shpërthyer midis dhëndrit Majlind Lala dhe prindërve të gruas së tij, Nevila Matës, ka pasur të bëjë me fëmijën e vetëm, vajzën e vogël të çiftit, që ishte me nënën e saj në Suedi.
Nuk dihen ende rrethanat pse çifti nuk vazhdoi të ishte bashkë edhe në kthim nga Suedia.
Nevila Mata kishte punuar psikologe në disa OJQ në Tiranë.
Majlind Lala sot në mëngjes shkoi në shtëpinë e prindërve të saj në afërsi të Astirit në Tiranë dhe ekzekutoi me pistoletë prindërit e nuses, Bujar dhe Xhevahiren Matën. Vjehrri është vrarë në dhomën e ndenjes, kurse vjehrra në korridor, teksa vraponte për të ikur.
Dhëndri më pas ka tentuar të vetëvritej me thikë dhe është hedhur nga ballkoni. Ai u gjend i lënduar rëndë poshte ballkonit dhe ndërroi jetë në Spitalin e Traumës.
