Mbrëmja e 4 tetorit ku në zonën e ish bllokun mbeti i vrarë një person si pasojë e një konflikti, duket të ketë mbetur vetëm një tronditje.
Thënë kjo pasi pas përfshirjes së më shumë se 10 personave, në qeli gjendet vetëm njëri prej tyre.
Mervjol Bilo, Fabiol Alushi, Eljon Hato, Fabjol Gaxha, Ervis Martinaj, Elvana Gjata, Ervin Mata, Redi Popesku, Ajaks Boshnjaku dhe Eldi Dizdari janë protagonistët e ngjarjes.
Fabiol Gaxha mbeti viktimë.
Ervis Martinaj, emër i njohur për policinë është I vetmi që ndodhet sot pas hekurave.
Redi Popesku, pronari i lokalit pasi dha disa dëshmi kontradiktore për ngjarjen, sot është I lirë.
Fabiol Alushi, Ajaks Boshnjaku dhe së fundmi Ervin Mata janë vetëdorëzuar në polici, kanë dëshmuar e më pas janë liruar.
Eljon Hato, veçse mbeti i plagosur edhe u arrestua por më pas Gjykata ndryshoi masën e tij duke e lënë në “Arrest shtëpie”.
Mervjol Bilo dyshohet si i autori kryesor i shkrepjes së pistoletës drejt Gaxhës. Bilo, një ish komando është ende në kërkim.
Njëjtë si ai, edhe bashkëshorti i ish missit Suada Sherifi, Eldi Dizdari vijon në kërkim.
Të gjitha provat e mësipërme, dëshmojnë një “zhbërje” të dosjes së famshme të bllokut, të konsideruar si një masakër të ndodhur në zemër të kryeqytetit.
Të dyshuarit vijojnë të lihen të lirë dhe dëshmitë e tyre ndonëse kontradiktore me njëra tjetrën duket se do të vijojnë ta mbajnë dosjen e hapur edhe për shumë kohë.
Përgatiti: AlpeNews.al
