Të tronditur, të shokuar, në gjendje disa herë të fikëti, dhe jo mirë nga ana shëndetësore, kështu janë shfaqur mëngjesin e së shtunës në Komisariatin e Policisë dega Vlorë, Lindita dhe Sadik Zykaj, prindërit e masakruesit të Selenicës, 24 vjeçarit Ritvan Zykaj.
Menjëherë pas ngjarjes së rëndë Lindita, Sadiku, dhe vëllai i Ritvanit, Hoveljando janë marrë nën sigurinë e Policisë së Shtetit, dhe si vendstrehim kanë “zgjedhur” familjarët e Linditës (mësohet se ekzktësisht po qëndrojnë tek motra e Linditës, tezja e Ritvanit).
“Nuk mund të kthehemi, as për varrim, e as për ndonjë gjë tjetër. Kemi frikë se do të na vrasin edhe ne me këtë që na ka bërë ai“, – mësohet se janë shprehur mes njëri tjetrit prindërit e 24 vjeçarit.
Dilemat për ngjarjen ende vazhdojnë, ka akoma pista hetimi të hapura nga Gjykata e Vlorës, por që Zykaj u njoh me masën e sigurisë këtë të hënë e cila ishte arrest me burg.
Pritet që dosja “Monstra” të vijojë edhe me hetime më të specifikuara, duke mos lënë pas këtu ekspertizat mendore të të riut, dhe ato të familjarëve.
/ALPENews.al