Ka nisur takimi i kryeministrit Edi Rama me disa përfaqësues të naftëtarëve të rafinerisë së Ballshit.
Ashtu si herën e kaluar, edhe ky takim po zhvillohte në zyrat e bashkisë së Fierit, ku të dyja palët kanë mbërritur dhe kanë filluar bisedimet.
Në fokus të këtij takimi do të jetë ndihma financiare që qeveria do të japë për naftëtarët, të cilët vetëm pak ditë më parë dolën nga greva e urisë.
Ndërkohë ditën e sotme Drejtoresha e Buxhetit në Ministrinë e Financave, Mimoza Dhëmbi ka bërë me dije se 560 mln lekë nga buxheti, do shkojnë si ndihmë për pagesën e naftëtarëve.
