Lideri i Lëvizjes Vetëvendosje Albin Kurti ka thënë se Thaçi po e bënë kurban Kosovën për ta shpëtuar veten nga Gjykata Speciale.
Kurti ka thënë se Vuçiqit po i ngutet arritja e marrëveshjes me Thaçin për arsye se kur të nis punën Gjykata Speciale, Thaçi do të jetë i panevojshëm shkruan Gazeta Blic.
Sipas Kurtit kjo është arsyeja kryesore pse Vuçiq po ngutet për ta bërë marrëveshjen me Thaçin, por janë edhe dy arsye tjera.
E dyta është sepse Mogherini mbyll zyren para fushatës për zgjedhjet evropiane të Majit 2019, dhe e treta se marrëveshja duhet bërë gjersa Kosova ende nuk ka ushtri dhe partia e Kurtit, pra LVV nuk është në Qeveri.
“Kosovën po duan ta bëjnë kurban për integrimin evropian të Serbisë dhe për çintegrimin e Thaçit nga Gjykata Speciale. Vuçiqi do marrëveshje fitimtare për Serbinë, që ta fitojë bindshëm referendumin për ndryshimet kushtetuese atje. E tillë mund të jetë vetëm një marrëveshje fort e keqe për Kosovën.
Por, Vuçiqit edhe po i ngutet, sepse: 1) Thaçi do t’i bëhet i papërdorshëm porsa ta akuzojë Gjykata Speciale; 2) Mogherini mbyll zyren para fushatës për zgjedhjet evropiane të Majit 2019; 3) Marrëveshja duhet bërë gjersa Kosova ende nuk ka ushtri dhe Lëvizja jonë ende s’është qeveria e re.
Çka duhet bërë? Paj, dihet: VETËVENDOSJE!” ka shkruar Kurti.
