Kryeministrat e Shqipërisë dhe të Gerqisë, Edi Rama dhe Aleksis Tsipras do të takohen zyrtarisht gjatë muajit prill.
Jo një por dy herë.
Ndalesa e parë e kryeministrit Tsipras do të jenë në qytetin e Korçës. Kjo vizitë duket të jetë një lloj takimi informal pasi Tsipras do takohet me kryeminsitrin Rama dhe bashkëshorten e tij për pashkët ortodokse, ndaj dhe Korça duket të jetë destinacioni i duhur.
Po ashtu, në Korçë do të jetë edhe ministri i punëve të jashtme Ditmir Bushati, së bashku me bashkëshorten, si dhe homologu i tij grek, Nikos Kotzias.
Më pas ai pritet që të vizitojë edhe Tiranën.
Ky takim vjen në një moment kur dy shtetet janë pranë një paketë-marrëveshjeje historike, që prek çështje të mbartura prej dekadash, që nga kufiri detar, te ai tokësor dhe problemet ditore me emigrantët apo pronat e shqiptarëve në Greqi.
Kujtojmë se kjo do të jetë vizita e parë zyrtare e kryeministrit Tsipras në Shqipëri.
/AlpeNews.al/