Deputeti demokrat Tritan Shehu, nënkryetar i Komisionit të Jashtëm ka zhvilluar një vizitë pune në Athinë, ku ka pasur takime intensive me personalite të politikës greke.
Mësohet se gjatë vizitës Shehu, ka pasur takim me Zv Ministrin e Jashtëm, Z. Amanatidis, me kryetarin e Komisionit te Jashtem dhe te Sigurisë se Parlamentit, Z.Duozinas, me Nënkryetarin e Nea Demokratia Z. Georgiadis. Një takim i veçantë ka qenë edhe me Shefin e Marrëdhënieve me Jashtë të Nea Demokratia Z. Koumoutsakus.
“Gjatë takimeve, kudo u shpreh dëshira e vullneti i forcimit të marrëdhënieve midis dy vendeve tona, aktualisht ne një pikë negative të tyre”- thotë Shehu.
Sipas tij, është diskutuar gjerësisht për një bashkëpunim me partine simotër në interes të përbashkët partiak dhe të vendeve tona.
“Mbështetja e Greqisë në rrugën tonë të integrimit europian dhe shqetësimi e bashkëpunimi për gjendjen në Shqipëri, e lidhur kjo kryesisht me drogën e krimin”, ka qenë në qendër të takimeve të zhvilluara.