Margarita Myrto, një nga ikonat dhe zëri simbol i radios së jugut të Shqipërisë është ndarë nga jeta. Engjëll Serjani, një nga gazetarët e njohur, i ka kushtuar një dedkim prekës koleges së tij duke i shprehur ngushëllimet edhe në emër të unionit të gazetarëve që ai përfaqëson. Edhe redaksia e Alpenews.al i shpreh ngushëllimet familjarëve, të afërmve dhe kolegëve të saj.
I plotë, postimi i Serjanit në faqen e tij zyrtare në facebook:
“Ju flet Radio Gjirokastra!”
Ky zë i dashur për dëgjuesit e Jugut u shua sot krejt papritur. Margarita Myrto, folësja që për plot 30 vjet, nën tingujt e muzikës së këngës “Një zë po del nga Gryk’ e Mezhgoranit” ka çelur programet e Radio Gjirokastrës dhe ka përcjellë emisionet e lajmeve, sot u nda nga jeta.
Unioni i Gazetarëve Shqiptarë, Unioni i Gazetarëve të Gjirokastrës dhe gjithe koleget gazetare qe kane punuar dhe kane ndare me Riten perpjekjet, gezimet dhe hidherimet, e perciellin me dhimbje kete ndarje dhe shprehin ngushellimet e tyre per familjen.
Rita ka mbetur si legjendë dhe do të kujtohet per zerin e saj radiofonik, te plote dhe me timber krejt te veçante. Ajo nuk do ti mungoje vetem studios dhe mikrofonit, por gjithe kolegeve, miqve dhe bashkepunetorevr.
U preftë në paqe!