Policia e Lezhës u informua për të shtënat me armë zjarri në ishull Lezhë nga nëna e Kristjan Sherrit. Pas vrasjes së nënkomisarit Saimir Hoxha nga Aldi Marku, shoku i tij telefonoi të ëmën për ti treguar se çfarë kishte ndodhur. I riu i ka rrëfyer nënës se po i vrisnin e në këtë mënyrë ajo ka lajmëruar sallën operative të policisë së Lezhës.
Armando Marku dhe Kristjan Sherri ditën e ngjarjes kanë qenë duke pirë kafe në Lezhë dhe Aldi Ramën dhe kishin shkuar për të konsumuar lëndë narkotike në zonën e Vainit. Të dy shokët e Aldi Ramës u lanë ditën e djeshme në burg nga Gjykata e Lezhës, pasi akuzohen për bashkëpunëtorë. Avokati i tyre tha pas përfundimit të seancës se të rinjtë nuk kishin lidhje me vrasjen e se ata ndihmuan policët në momentin që ndodhi vrasja.
Ndërkohë mamaja dhe motra e Kristjan Sherrit kanë shpërthyer në lot pas vendimit të gjykatës që e la të riun në burg. Jashtë dyerve të gjykatës, e ëma dhe motra e shokut të Aldi Ramës, të riut që vrau nënkomisarin Saimir Hoxha, janë prekur emocionalisht dhe madje kanë gjetur edhe ngushëllimin e gazetarëve./panorama
