Prej 40 ditësh, e gjithë Shqipëria ndodhet në izolim për shkak të situatës alarmante nga Covid-19.
Të parët që po luftojnë me virusin që ka prekur të gjithë botën janë mjekët dhe infermierët, të cilët po sakrifikojnë edhe veten e tyre.
Të shumta kanë qenë edhe falenderimet për ta, ku më i fundit vjen nga Zjarrfikësit e Tiranës, që kanë publikuar në rrjetet sociale disa foto emocionuese.
‘Zjarrfikësit e Tiranë falënderojnë dhe nderojnë mjekët dhe infermierët e Spitalit Infektiv në QSUT’, shkruajnë ata.
Vihet re se në disa prej pankartave shkruhej: ‘Mami, kur do kthehesh?’, ‘Do ta fitojmë betejën’, ‘Jeni heronjtë tanë’, etj.
Ky gjest madje ka bërë që edhe disa prej mjekëve të përloten.
