“Kur do të kthehet i madh Milan-i? Nuk kam asnjë ide”. Ky është mendimi i ish-kapitenit legjendar të kuqezinjve, Paolo Maldini, i cili nuk i ka kursyer kritikat edhe për ish-presidentin Silvio Berlusconi dhe drejtuesit e mëparshëm.
“Premisat e projektit të ri nuk binin dhe mendoj se do të duhet të presim. Kjo gjë ka filluar me Milan-in e Berlusconi-t, nuk është vetëm një problem i pronarëve të rinj. Problemi është se sa më shumë të presësh aq më shumë largohet objektivi dhe duhen shumë vite për ta arritur”, ka thënë Maldini.
“Më pas humbet edhe kulturën që mund të jetë krijuar ndër vite dhe investimet që duhet të bësh çdo vit dyfishohen. Sipas mendimit tim, gjashtë vite më parë Milan ishte mes pesë të parave në Europë, por investimet që duheshin bërë në atë kohë tani janë shumëfishuar”.
