Çfarë mund të jetë më keq se sa kur dasma të shkatërrohet dhe kjo mos të ndodhi nga një “ish e dashur”, por pikërisht nga buqeta e luleve që ke zgjedhur të mbash në duar.
Një vajzë 23-vjeçare është helmuar pasi vendosi që buqetën ta bënte me lulet që ndodheshin në oborrin e saj, duke harruar se vuan nga alergjia.
Mëngjesin e ditës së dasmës, Christine Jomiler u zgjua me fytyrë të acaruar dhe sy aq të enjtur sa gati nuk shihte asgjë.
“Isha njeriu më i frikshëm në dasmën timë. Kisha kaq shumë dhimbje, askush nuk dinte ç’të më bënte.”- është shprehur ajo.
Por gjithsesi, nuk donte që të humbiste ditën e madhe dhe vendosi ta mundi dhimbjen dhe shenjat e alergjisë me pak grim.
Menjëherë pasi kanë bërë betimet, çifti është nisur drejt spitalit ku nusja ka marrë kurën që i duhej. Në pamundësi për të ngrënë dhe për të pirë diçka, ajo tregon se kjo ishte e gjitha një situatë kaq ironike dhe se ishte ndjerë shumë keq. As fustanin e dasmës nuk mund ta mbante dot veshur për shkak të acarimit që alergjia i shkaktoi.
“S’e mbaja dot gjatë fustanin e bardhë, isha krejtësisht e verbër dhe s’dije se ku shkelja me të. Mund të rrëxohesha.”- sqaroi ajo. Ndonëse shëndeti i saj u përmirësua një javë pas dasmës, gjithçka që çifti mundi të shijonte ishte seti i fotografive si të sapomartuar.
Përgatiti AlpeNews.al
Burimi: The Independent