Identifikohet emri i personit që humbi jetën teksa makina të cilën drejtonte doli nga rruga në aksin Fier-Ballsh dhe përfundoi në lumin Gjanica. Gazetari Ervis Kuçi raporton për ‘BalkanWeb’ se bëhet fjalë për Gramoz Isufajn, 35 vjeç.
Ngjarja e rëndë ndodhi në fshatin Visokë, ku mjeti ‘Ford Fiesta’ ngjyrë gri, e cila ra nga një lartësi afro 60 metrash, duke përfunduar në ujë. Rënia nga lartësia e madhe ka shkaktuar vdekjen e shoferit.
Është dashur ndërhyrja e policisë, të cilët bashkë me banorët e zonës, kanë tërhequr mjetin nga uji dhe kanë nxjerrë dhe trupin e pajetë.
